Annog cynghorau lleol i lunio strategaethau digartrefedd

 

Cysgu yn y parc

Llun: CC0

Fe fydd Llywodraeth Prydain yn annog cynghorau lleol i gyhoeddi strategaethau y flwyddyn nesaf er mwyn rhoi terfyn ar ddigartrefedd erbyn 2027.

Bydd gofyn iddyn nhw amlinellu’r cymorth a fydd ar gael, gan gynnwys cefnogaeth arbenigol a llety, meddai Ysgrifennydd Tai San Steffan, James Brokenshire.

Fe fydd hyfforddwyr gwaith hefyd ar gael mewn canolfannau gwaith, ac ymchwil yn cael ei gwblhau i ddarganfod y cyswllt rhwng digartrefedd a’r gymuned LGBT.

Mae cronfa gwerth £11m hefyd wedi’i chyflwyno i helpu cynghorau i fynd i’r afael â’r sefyllfa.

‘Does dim angen i unrhyw un gysgu ar y stryd’

“Nid tynged unrhyw un yw treulio’u bywydau’n cysgu ar y stryd. Er gwaethaf hyn, mae gormod o bobol yn dal yn cysgu ar y stryd bob nos,” meddai James Brokenshire.

“Dyna pam ein bod yn gweithredu i gynnig cefnogaeth i gael pobol oddi ar y stryd y gaeaf hwn a gosod y seiliau i roi’r gorau i gysgu ar y stryd yn gyfangwbl erbyn 2027.

“Mae’r cynllun gweithredu hwn yn amlinellu’r camau nesaf i droi’r nod yma’n realiti.”

Bydd Cynllun Gweithredu Cysgu ar y Stryd yn cael ei gyhoeddi ddydd Llun.

Cynghorau’n croesawu’r cyhoeddiad

Mae’r Gymdeithas Lywodraeth Leol wedi croesawu cyhoeddiad Llywodraeth Prydain.

“Bydd unrhyw fuddsoddiad ychwanegol yn helpu’r ymdrechion lleol i herio digartrefedd a chysgu ar y stryd,” meddai Martin Tett.

“Mae cynghorau’n benderfynol o atal digartrefedd a chysgu ar y stryd rhag digwydd yn y lle cyntaf, ac o gefnogi teuluoedd sy’n cael eu heffeithio.

“Mae hyn yn dod yn gynyddol anodd gyda gwasanaethau digartrefedd yn wynebu bwlch ariannu o fwy na £100m yn 2019-20.

“Mae rhoi adnoddau go iawn i ariannu llywodraeth leol yn hanfodol os ydyn ni am roi terfyn ar y cynnydd mewn digartrefedd.”

Ymateb Shelter

Tra bod elusen Shelter yn croesawu’r cyhoeddiad, maen nhw’n rhybuddio nad yw’n datrys y sefyllfa’n llwyr.

“Mae angen o hyd i ni herio diffyg tai fforddadwy a materion yn ymwneud â budd-dal tâi sydd wrth wraidd y broblem hon,” meddai Greg Beales, cyfarwyddwr ymgyrchoedd yr elusen.

“Os yw’r llywodraeth hon eisiau dileu cysgu ar y stryd erbyn 2027, mae angen cynllun newydd cryf i adeiladu llawer iawn mwy o dai cymdeithasol, yn ogystal ag ymdrech i greu sicrwydd i’r rhai sy’n cael anawsterau gyda’u rhent.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed