‘Mae Ewrop yn barod i ail-drafod y cytundeb Brexit’

 

John McDonnell

Llun: Comin Wicimedia

Byddai’r Undeb Ewropeaidd yn awyddus i aildanio trafodaethau Brexit pe tasai cynlluniau Theresa May yn cael eu gwrthod.

Dyna mae John McDonnell, y Canghellor Cysgodol, wedi dweud yn ystod ymweliad â Glasgow, yr Alban, ar ddydd Gwener (Rhagfyr 7).

“Rydym ni’n credu y bydd gan y Senedd gyfle’r wythnos nesa’, pan fydd Theresa May yn colli’r bleidlais ar ei chytundeb, i ystyried ambell drywydd gwahanol,” meddai John McDonnell.

“Rydym wedi cynnig trywydd a fyddai’n medru ennyn digon o gefnogaeth, a fyddai ddim yn golygu bod rhaid ailddechrau’r trafodaethau yn syth.

“Dyna ddigwyddodd gyda [diwygiad cyfansoddiadol] Chytundeb Lisbon pan wnaeth cwpwl o wledydd gynnal refferenda a chymryd safiad gwahanol.”

Wfftio

Mae John McDonnell hefyd wedi wfftio rhybudd arweinydd Unite, Len McCluskey, mai brad yw cynnal ail refferendwm.

Pe tasai ymdrech Llafur i gael ail refferendwm yn methu, meddai, byddai’r cyhoedd yn deall bod angen cynnal refferendwm arall.

“Dw i’n credu y bydd pobol yn sylweddoli nad oes gennym ni unrhyw opsiwn ond cynnal pleidlais gyhoeddus arall,” meddai.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed