Trafferthion Brexit Theresa May yn dwysáu dan law y DUP

 
Arlene Foster

Arlene Foster, arweinydd y DUP

Llun: Flickr

Mae Theresa May yn wynebu rhagor o drafferthion wrth i blaid y DUP rybuddio y byddan nhw’n dod â’i hawdurdod i ben os yw hi’n parhau â’i chytundeb Brexit.

Mae’r DUP eisoes wedi dweud eu bod nhw’n fodlon cefnogi’r Llywodraeth mewn pleidlais o ddiffyg hyder os bydd y cytundeb yn cael ei wrthod gan Aelodau Seneddol yn y bleidlais fawr yr wythnos nesaf (Rhagfyr 11).

Ond maen nhw’n sefyll yn gadarn o ran eu cefnogaeth i’r cytundeb ei hun, gan ddweud nad ydyn nhw am ei gefnogi.

Daw’r trafferthion hyn i’r Prif Weinidog wedi i’r Blaid Lafur awgrymu y byddan nhw’n cynnal pleidlais o ddiffyg hyder yn Llywodraeth Prydain yr wythnos nesaf.

Ond mae llawer o’r Blaid Geidwadol yn teimlo na fydd pleidleisio yn erbyn y cytundeb yn rhoi’r Llywodraeth mewn peryg, yn dilyn yr addewid bod y DUP am aros yn ffyddlon wedi’r digwyddiad.

Mae’r ddadl ar y cytundeb wedi cyrraedd ei drydydd diwrnod heddiw, ac mae disgwyl i’r Canghellor, Philip Hammond, annerch Tŷ’r Cyffredin.

Gwleidyddiaeth

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed