Theresa May yn cytuno i gymryd rhan mewn dadl deledu ar y BBC

 

Theresa May

Llun: Kuhlmann MSC trwy Comin Wicimedia

Mae Prif Weinidog y Deyrnas Unedig, Theresa May, wedi cytuno i gymryd rhan mewn dadl deledu a fydd yn cael ei ddarlledu gan y BBC.

Brexit fydd y pwnc trafod, ac mae disgwyl i’r ddadl gael ei chynnal ar Ragfyr 9 yn Birmingham – dau ddiwrnod cyn y bleidlais ar y cyntundeb ymadael.

Er gwaetha gwrthwynebiad gan Blaid Cymru a’r SNP fyddan nhw ddim yn cael cymryd rhan, a Jeremy Corbyn yn unig fydd yn dadlau â hi.

Ond, yn ôl ffynonellau o fewn y blaid Lafur, dyw ei harweinydd ddim wedi cytuno i gymryd rhan eto.

Yn ystod ymddangosiad ar raglen deledu This Mornng mae Jeremy Corbyn wedi dweud y byddai well ganddo ddadlau â Theresa May ar ITV.

Ac mae adroddiadau’n awgrymu bod ITV yn awyddus i newid amser ffeinal I’m A Celebrity… Get Me Out Of Here! fel eu bod nhw’n medru cynnal y ddadl.

Gwrthwynebiad

Ar ddechrau’r wythnos Cytunodd Theresa May a Jeremy Corbyn i fynd ben yn fyw ar deledu, a’n sgil hynny gwnaeth yr SNP, Democratiaid Rhyddfrydol, a’r Blaid Werdd gwyno.

Cwyno hefyd waeth Plaid Cymru, ac ar ddydd Mawrth (Tachwedd 27) cyhoeddodd Adam Price, eu harweinydd, lythyr o wrthwynebiad.

“Buaswn yn croesawu’r cyfle i gymryd rhan mewn dadl ar effeithiau’r ymadawiad ar Gymru a’r Deyrnas Unedig,” meddai yn ei lythyr.

“Mae’r bobol yn haeddu cael cyfle i ddeall y bleidlais yr ydych chi yn ei gynnig. Ac mae hynny’n golygu bod rhaid cynnal dadl deledu gydag amryw o safbwyntiau.”

Gwleidyddiaeth

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed