“Does dim cytundeb eto” – y trafodaethau Brexit yn parhau

Diweddarwyd am  
Michel Barnier yn cael ei gyfweld, gyda meicroffon o'i flaen

Michel Barnier, prif drafodwr yr Undeb Ewropeaidd

Llun: Ralf Roletschek GNU 1.2

Mae’r ffin yng Ngogledd Iwerddon yn parhau’n faen tramgwydd yn y trafodaethau Brexit, wedi i’r Deyrnas Unedig a’r Undeb Ewropeaidd fethu â dod i gytundeb unwaith eto.

Bu swyddogion ar y ddwy ochr yn cynnal trafodaethau dwys ers ddoe (dydd Sul, Tachwedd 11), ac mae’n debyg na ddaeth y cyfarfod i ben tan chwarter i dri’r bore yma.

Yn ôl Rhif 10, mae yna “faterion sylweddol” ar ôl i’w datrys ynglŷn â sicrhau ffin feddal yng Ngogledd Iwerddon.

“Rydym wedi gwneud cynnydd da yn y trafodaethau o ran y cytundeb Brexit, ond mae yna faterion sylweddol i’w datrys mewn cyswllt â Gogledd Iwerddon,” meddai llefarydd ar ran y Prif Weinidog.

Yr un oedd stori Michel Barnier, prif drafodwr yr Undeb Ewropeaidd, mewn cyfarfod â gweinidogion o wledydd yr undeb yn gynharach heddiw.

“Fe esboniodd Michel Barnier fod trafodaethau dwys yn parhau, ond does dim cytundeb wedi’i ffurfio eto,” meddai’r Cyngor Ewropeaidd mewn datganiad.

“Mae yna rai materion pwysig ar ôl i’w trafod, yn enwedig yr ymgais i osgoi ffin galed rhwng Gweriniaeth Iwerddon a Gogledd Iwerddon.”

Yn y cyfamser, mae’r pwysau’n cynyddu ar Theresa May adref, wrth iddi wynebu hyd yn oed fwy o wrthwynebiad i’w chynlluniau Brexit.

Yn ôl manylion sydd wedi’u cyhoeddi heddiw, mae’n debyg y bu’r Ysgrifennydd Cartref, yr Ysgrifennydd Amddiffyn a’r Canghellor ill tri yn mynegi pryderon am gynllun Chequers ym mis Gorffennaf.

Mae’r tri – Sajid Javid, Gavin Williamson a Philip Hammond – yn aelodau o’r garfan a bleidleisiodd o blaid aros yn yr Undeb Ewropeaidd yn y refferendwm yn 2016.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones