Hyd at 14 o siopau’r stryd fawr wedi cau bob dydd

 
Stryd Fawr

Siopau’r stryd fawr

Llun: Sionk trwy Gomin Wicimedia

Roedd hyd at 14 o siopau’r stryd fawr wedi cau bob dydd yn ystod hanner cynta’r flwyddyn, tra bod nifer y siopau sy’n agor wedi gostwng i draean, yn ôl adroddiad.

Mae siopau yn wynebu’r amodau gwaethaf ers pum mlynedd, gyda thwf siopa ar-lein a chyfraddau busnes uchel yn cael y bai am yr amodau heriol.

Mae’n debyg bod arferion pobl yn newid hefyd gyda mwy yn penderfynu aros adre yn lle mynd allan.

Bwytai Eidalaidd, gan gynnwys cadwyn Jamie Oliver, sydd wedi cael eu heffeithio’n bennaf gan y newid tra bod cwmnïau fel Toys R Us, Maplin, Poundworld a Coast wedi mynd i’r wal wrth i fwy o bobl siopa ar-lein.

Yn y cyfamser mae Debenhams, Marks & Spencer, Mothercare, Homebase a Carpetright wedi cyhoeddi eu bod yn cau rhai o’u siopau.

Mae gweinidogion yn cael eu hannog i weithredu i helpu canol trefi gwledydd Prydain gydag arbenigwyr yn rhybuddio nad yw’r sefyllfa yn debygol o wella.

Roedd Cyllideb ddiweddara’r Llywodraeth yn dweud bod “y stryd fawr yn flaenoriaeth”.

Fe ddangosodd astudiaeth gan y cyfrifwyr PricewaterhouseCoopers a’r Local Data Company o 500 o strydoedd mawr fod 2,692 o siopau wedi diflannu yn ystod chwe mis cynta’r flwyddyn – tua 14 bob dydd.

Mae gostyngiad sylweddol wedi bod hefyd yn nifer y siopau sy’n agor. Fe agorodd 2,342 o siopau eu drysau yn ystod chwe mis cynta’r llynedd, o’i gymharu â 1,569 a agorodd rhwng 1 Ionawr a 30 Mehefin.

Llundain a’r dw ddwyrain oedd y rhanbarthau gafodd eu taro waethaf a Chymru oedd wedi perfformio orau, er bod 22 o siopau wedi cau.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed