Canmol Llafur yr Alban am fwriadu amrywio trethi

 
Wyneb John McDonnell

John McDonnell

Llun: Rwendland CCA4.0 Rhyngwladol

Mae canghellor yr wrthblaid, John McDonnell wedi croesawu addewid Llafur yr Alban i amrywio trothwyon trethi fel eu bod yn wahanol i weddill gwledydd Prydain.

Mae Richard Leonard, arweinydd y blaid yn yr Alban, yn “iawn” i wneud hynny, meddai.

Yn ôl Cyllideb y Canghellor Philip Hammond, mae’n bwriadu codi’r trothwy o 40 ceiniog ar yr enillwyr mwyaf i £50,000.

Yn yr Alban, mae trethdalwyr yn cael eu trethu 41% ar enillion dros £43,430 ac mae Richard Leonard yn dweud na fyddai ei blaid yn fodlon codi’n uwch na hynny.

“Y sail deallusol yw hyn – rydym oll yn cytuno ar egwyddorion cyffredin system drethu deg,” meddai John McDonnell wrth raglen Sunday Politics Scotland y BBC.

“Mae Richard Leonard, yn gwbl gywir am fod trethu wedi’i ddatganoli, wedi cyflwyno cynigion Llafur yr Alban.

“Mae’n rhaid i hynny adlewyrchu’r demograffeg rydym yn ei gynrychioli, ac mae’n rhaid hefyd iddo adlewyrchu natur ddatganoledig ein proses o wneud penderfyniadau yn ein gwlad ar hyn o bryd.”

Ychwanega fod y cynigion yn seiliedig ar “degwch ac ar godi arian ychwanegol a fydd yn cael ei fuddsoddi mewn gwasanaethau cyhoeddus”.

Refferendwm annibyniaeth?

Mae John McDonnell hefyd yn gwrthod gwneud sylw am gynlluniau posib i gynnwys gwaharddiad ym maniffesto nesa’r blaid ar gynnal refferedwm annibyniaeth o’r newydd.

Mae Richard Leonard eisoes wedi dweud y bydd gwaharddiad yn rhan o faniffesto nesa’r blaid.

Yn ôl John McDonnell, mae trafod refferendwm arall yn tynnu sylw oddi ar faterion pwysicach, fel llymder.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones