Stopio a chwilio yn ‘aneffeithiol a hiliol’

 
David Lammy

David Lammy

Llun: Flickr

Mae’r arfer o stopio a chwilio unigolion sy’n cael eu hamau o droseddu yn “aneffeithiol” a “hiliol”, yn ôl yr Aelod Seneddol Llafur, David Lammy.

Rhannodd ei brofiadau o gael ei gyffwrdd a’i aflonyddu gan yr heddlu wrth gerdded drwy ardal Tottenham yn 12 oed, ac yntau’n cael gwybod ei fod yn debyg i unigolyn oedd yn cael ei amau o ymosod a dwyn oddi ar rywun.

Dywedodd fod y “gofid a’r embaras” wedi aros yn ei gof ers hynny.

Daw ei sylwadau ar ôl i adroddiad awgrymu bod pobol groenddu yng Nghymru a Lloegr naw gwaith yn fwy tebygol o gael eu stopio ar amheuaeth o fod â chyffuriau na phobol â chroen gwyn.

Dywedodd fod hynny’n arwydd o “anghyfiawnder hiliol difrifol”.

‘Naratif ffuglennol’

Mewn erthygl yn yr Observer, dywedodd David Lammy fod yr arfer o stopio a chwilio yn galluogi i “ffantasi hiliol” ddigwydd.

“Wrth i ni siarad, fe fydd dynion ifanc, croen gwyn, dosbarth canol yn ysmygu smôc ar gampws prifysgol neu’n cael cyflenwad o gocên yn cyrraedd partïon cinio, ond fydd yr heddlu yn unman.

“Yn hytrach na dibynnu ar yr arfer aneffeithiol sy’n anghyfiawn yn hiliol, rhaid i ni roi’r gorau i’r stigma sy’n perthyn i ddynion croenddu a cheisio datrysiadau deallus, hirdymor i’r problemau sy’n meithrin gweithgarwch troseddol yn y lle cyntaf.”

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed