Pwysau’n cynyddu ar Theresa May yn dilyn cyfarfod cabinet

 
Llun pen ac ystwydd o Theresa May

Theresa May

Llun: Anika Haas trwy Commons Wikimedia CC2.0

Mae sïon yn dew y gallai Theresa May wynebu rhagor o ymddiswyddiadau cabinet os fydd hi’n ildio gormod o dir yn y trafodaethau Brexit.

Mae rhai’n dyfalu bod y Prif Weinidog yn nesáu at daro bargen gyda’r Undeb Ewropeaidd, ac mae ei Phrif Chwip, Julian Smith, yn mynnu bod gweinidogion yn hapus â’i strategaeth.

Ond, mae’n debyg bod Arweinydd Tŷ’r Cyffredin, Andrea Leadsom, a’r Ysgrifennydd Datblygiad Rhyngwladol, Penny Mordaunt, yn hynod bryderus am y trafodaethau.

Ac mae’r Ysgrifennydd Gwaith a Phensiynau, Esther McVey, wedi dweud yn blwmp ac yn blaen ei bod yn gwrthwynebu cynlluniau Brexit Theresa May.

Gogledd Iwerddon

Mi wnaeth ffigurau amlwg yn y cabinet ymgynnull ddydd Iau (Hydref 11) i drafod y diweddaraf ar Brexit, ac mae’n debyg mai Gogledd Iwerddon oedd un o’r prif bynciau trafod.

Er mwyn rhwystro ffin galed ar yr Ynys Werdd yn dilyn Brexit, mae’n debygol bydd yn rhaid i Ogledd Iwerddon aros yn y farchnad sengl am gyfnod a’r undeb tollau.

Ac er mwyn rhwystro ffin rhag codi rhwng Gogledd Iwerddon a gweddill y Deyrnas Unedig, mae Theresa May yn mynnu byddai’n rhaid i wledydd Prydain oll aros dan y trefniadau yma am gyfnod.

Mae’n debyg y gwnaeth nifer o weinidogion leisio’u gwrthwynebiad ddoe, gan fod ansicrwydd ynglŷn â pha mor hir byddai’r cyfnod yma yn para.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed