Yr Alban a Chatalwnia yn ystyried ffyrdd o gydweithio

 
Baner Catalwnia

Baner Catalwnia

Llun: Commons Wikimedia CC0

Mae arweinwyr yr Alban a Chatalwnia wedi cyfarfod i ystyried sut y gallan nhw gydweithio er mwyn hybu economïau ei gilydd.

Yn ôl Pere Aragones, Dirprwy Arlywydd Catalwnia, a oedd yn siarad mewn cyfarfod ymylol yng Nghynhadledd yr SNP, fe fu cyfarfod rhyngddo ef â Nicola Sturgeon ddoe (dydd Sul, Hydref 7).

Mae’n dweud bod gan weinidogion Catalwnia eisoes “berthynas dda iawn” gyda Llywodraeth yr Alban, ac mae’n gobeithio y bydd y berthynas honno’n parhau yn y dyfodol.

‘Cydweithio’

“Nicola [Sturgeon] oedd yr arweinydd gwleidyddol cyntaf y tu allan i Gatalwnia a ofynnodd i Lywodraeth Sbaen roi’r gorau i’r trais yn erbyn Catalwnia, felly rydym ni’n ymwybodol iawn o hynny,” meddai Pere Aragones.

“Fe fyddwn ni’n cydweithio gyda Llywodraeth yr Alban ac mae yna nifer o feysydd lle y gallwn ni gydweithio mewn polisïau economaidd, diwylliannol a chymdeithasol, felly fe fyddwn ni’n gweithio yn y ffordd honno.

“Dw i’n siŵr y daw buddugoliaethau i ni’n dwy mewn rhai blynyddoedd, ac y byddwn ni’n cael perthynas dda iawn fel dwy genedl annibynnol, sef yr Alban a Chatalwnia.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed