Milwr yn Nhwrci: galw ar Jeremy Hunt i ymyrryd

 
Baner ddu a gwyn y Wladwriaeth Islamaidd

Baner y Wladwriaeth Islamaidd

Llun: Commons Wikimedia

Mae pwysau ar Ysgrifennydd Tramor San Steffan, Jeremy Hunt i ymyrryd yn achos milwr o Loegr sydd wedi’i garcharu yn Nhwrci am ymladd yn erbyn Daesh – neu’r ‘Wladwriaeth Islamaidd’.

Mae Joe Robinson, 25 o Swydd Gaerhirfryn, wedi’i garcharu am saith mlynedd a hanner ar ôl cefnogi gwrthryfelwyr Cwrdaidd – criw sy’n cael ei ystyried yn un anghyfreithlon a brawychol gan lywodraeth Twrci.

Dydy’r criw ddim wedi’u gwahardd yng ngwledydd Prydain, ac fe dreuliodd Joe Robinson fis gyda nhw yn Syria yn darparu cymorth meddygol i bobol gyffredin.

Mae ar fechnïaeth ar hyn o bryd yn aros i glywed ei dynged.

Ymhlith y rhai sy’n galw ar Jeremy Hunt i ymyrryd mae Mira Rojkan, dyweddi Joe Robinson. Cafodd y ddau eu harestio ar eu gwyliau y llynedd.

Cafodd hithau ddedfryd ohiriedig am gymryd rhan mewn propaganda brawychol ar ôl rhannu negeseuon ar wefannau cymdeithasol oedd yn cefnogi’r Cwrdiaid.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed