“Bydd Llafur yn gwrthod Brexit dall”

Diweddarwyd am  
Keir Starmer

Keir Starmer

Llun: Flickr

Bydd y Blaid Lafur yn gwrthod unrhyw ymgais i orfodi ‘Brexit dall’ ar wledydd Prydain, yn ôl llefarydd Brexit y blaid, Keir Starmer.

Daw ei sylwadau wrth i Faer Llundain, Sadiq Khan alw am ail refferendwm ar amodau’r ymadawiad o’r Undeb Ewropeaidd, gan y dylai’r cyhoedd gael y gair olaf ar yr hyn sy’n digwydd nesaf, meddai.

Mewn erthygl yn yr Observer, dywed Sadiq Khan fod y Deyrnas Unedig yn wynebu cytundeb gwael neu ddim cytundeb o gwbwl.

“Mae yna risg sylweddol i’r ddau a dydw i ddim yn credu bod gan Theresa May fandad i gamblo mor ffwrdd-â-hi ag economi Prydain a bywoliaeth pobol.”

Ymhlith yr opsiynau y dylid eu rhoi i bobol gwledydd Prydain, meddai, yw aros yn rhan o’r Undeb Ewropeaidd.

Rhagor o wrthwynebiad

Fe fydd arweinydd y Blaid Lafur, Jeremy Corbyn yn wynebu pwysau yn yr hydref i gefnogi refferendwm Brexit newydd.

Ac mae Theresa May hithau dan bwysau yn sgil ei chynlluniau er mwyn gadael yr Undeb Ewropeaidd, a hynny gan y rhai sydd am weld ‘Brexit caled’.

Heb rywfaint o gefnogaeth gan Lafur, mae’n annhebygol y bydd y cynlluniau’n cael eu cymeradwyo.

Yn y cyfamser, mae Keir Starmer yn galw am gynnwys aelodaeth o’r farchnad sengl a’r undeb tollau yn y cytundeb cyn y bydd Llafur yn fodlon cefnogi’r cynlluniau.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed