Swyddogion carchar yn protestio tros ddiogelwch yn y gwaith

Diweddarwyd am  
Carchar

Carchar

Llun: Llywodraeth y Deyrnas Unedig

Mae nifer o swyddogion carchar yng Nghymru a Lloegr wedi cychwyn ar gyfnod o brotestio, wrth iddyn nhw alw am fwy o ddiogelwch i staff mewn carchardai.

Mae undeb y POA, sy’n cynrychioli swyddogion carchar, yn dweud y bydd eu haelodau yn protestio y tu allan i’w gweithle o 7yb heddiw (Medi 14) hyd nes y byddan nhw’n derbyn cyfarwyddyd pellach.

Daw’r brotest yn dilyn adroddiad a gafodd ei gyhoeddi ddoe (dydd Iau, 13 Medi) gan y Brif Arolygydd Carchardai, Peter Clarke, a nododd fod “diffyg rheolaeth” yng ngharchar Bedford yn Lloegr.

Yn ôl yr adroddiad, mae safonau wedi gostwng yn sylweddol yn y carchar wrth i garcharorion gymryd rheolaeth a llygod rhedeg yn rhydd o amgylch y lle.

Mae Ysgrifennydd Cyffredinol y POA, Steve Gillan, yn galw ar Lywodraeth Prydain a’r Gwasanaeth Carchardai a Phrofiannaeth (HMPPS) i weithredu, wedi iddyn nhw adael i safonau iechyd a diogelwch ddirywio dros y chwe blynedd ddiwetha’, medden nhw.

Mae hefyd yn dweud bod angen codi ymwybyddiaeth y cyhoedd ynglŷn â’r cynnydd mewn trais yn erbyn swyddogion carchar, problemau cyffuriau a hunan-niweidio.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed