Yr economi wedi tyfu 0.3% ym mis Gorffennaf

 

Llun: CC0

Mae sectorau gwasanaethau ac adeiladu gwledydd Prydain ar eu hanterth, yn ôl ffigurau diweddara’r Swyddfa Ystadegau.

Roedd twf o 0.3% yn yr economi ym mis Gorffennaf – 0.2% yn well na’r disgwyl – tra bod cynnydd o 0.6% mewn Cynnyrch Gwladol Crynswth (GDP) dros gyfnod o dri mis – 0.1% yn well na’r rhagolygon.

Roedd y twf economaidd yn bennaf o ganlyniad i berfformiad y sector gwasanaethau, a dyfodd o 0.3% o fis i fis, diolch yn bennaf i’r diwydiannau proffesiynol, gwyddonol a thechnegol.

Tyfodd y sector gwasanaethau o 0.6% o fis i fis o ganlyniad i fwy o werthiant a manwerthu, gan gynnwys bwyd yn ystod Cwpan y Byd a’r tywydd braf.

Fe wnaeth y sector adeiladu berfformio’n gryf hefyd, gyda thwf o 0.5% ym mis Gorffennaf o ganlyniad i’r cynnydd cyntaf eleni yn nifer y tai a gafodd eu hadeiladu. Tyfodd y sector adeiladu 3.3% dros gyfnod o dri mis.

Roedd gwerth y bunt i fyny 0.15% yn erbyn y ddoler Americanaidd (1.293), oedd yn fwy na’r gymhariaeth yn erbyn yr Ewro (1.118).

Perfformwyr gwael

Ond mae’r Swyddfa Ystadegau wedi tynnu sylw at berfformiad cymharol wael y diwydiant ynni – a hynny o ganlyniad i lai o alw.

Roedd newyddion drwg i’r sector amaeth hefyd, wrth iddo grebachu 0.1%.

Yn dilyn y ffigurau hyd at fis Gorffennaf, mae disgwyl i economi Prydain berfformio’n well na’r disgwyl yn ystod trydydd chwarter y flwyddyn hyd at fis Medi.

Yn ôl rhai arbenigwyr, fe allai Cynnyrch Gwladol Crynswth godi i 0.5% o un chwarter i’r llall – yn hytrach nag aros yn sefydlog ar 0.4% fel yr oedd rhai yn darogan.

Ond dydy’r ffigurau, yn ôl rhai, ddim yn debygol o arwain at Fanc Lloegr yn codi cyfraddau llog ddydd Iau – a hynny’n bennaf o ganlyniad i’r ansicrwydd ynghylch Brexit hyd at fis Mawrth y flwyddyn nesaf.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones