Cyflwyno cynlluniau Brexit i San Steffan

 
Theresa May yn annerch ASau

Theresa May yn Nhy’r Cyffredin

Llun: Ty’r Cyffredin

Mae’r Ysgrifennydd Brexit newydd, Dominic Raab, wedi dweud bod y cynlluniau Brexit newydd sydd wedi’u paratoi gan Lywodraeth Prydain yn “parchu” canlyniad y refferendwm ddwy flynedd yn ôl.

Mae disgwyl i’r Papur Gwyn ar Brexit gael ei gyflwyno gerbron Aelodau Seneddol yn San Steffan heddiw (dydd Iau, Gorffennaf 12).

Dyma’r cynlluniau sydd wedi achosi ffrae o fewn Cabinet Theresa May, a welodd ddau o’i aelodau blaenllaw, sef David Davis a Boris Johnson, yn ymddiswyddo ddechrau’r wythnos.

Mae Dominic Raab, mewn rhagair i’r ddogfen sy’n amlinellu’r cynlluniau, yn dweud y bydd y Deyrnas Unedig yn parhau i fasnachu’n “ddi-rwystr” â’r Undeb Ewropeaidd yn dilyn Brexit, ac yr un pryd yn gosod ei thollau ei hun ar gyfer masnachu â gweddill y byd.

Mae hefyd yn mynnu bod y cynlluniau yn cynnwys ymrwymiad i Iwerddon a Gogledd Iwerddon, gan sicrhau na fydd yna ffin ‘galed’ rhwng y ddwy wlad.

Rhybudd o Frwsel

Yn y cyfamser, mae Michel Barnier, pennaeth y trafodaethau ar Brexit ym Mrwsel, wedi cynnig rhybudd i Brif Weinidog Prydain, Theresa May, gan ddweud bod angen i’r cynlluniau fod yn rhai “addas” a fydd yn osgoi sefyllfa ‘dim cytundeb’.

Mewn cyfarfod rhyngddo ag arweinwyr busnes o’r Unol Daleithiau, dywedodd fod angen i’r cynlluniau gyd-fynd â rheolau’r Undeb Ewropeaidd, gan osgoi unrhyw gostau ychwanegol.

‘Dim cydymffurfio – dim cytundeb’

“Dim ond y cyfuniad o’r Farchnad Sengl a’r Undeb Tollau fydd yn gwneud masnach ‘ddi-rwystr’ yn bosib,” meddai Michel Barnier.

“Y tu allan i’r Undeb Tollau, mae angen trefniadau a rheoliadau.

“A’r tu allan i’r Farchnad Sengl, mae’n hanfodol bod gennych reoliadau sy’n cyd-fynd â safonau Ewropeaidd.

“O ganlyniad, ni fydd hi’n ‘busines as usual’ oherwydd Brexit. Ac fe ddylem ni i gyd baratoi ar gyfer pob sefyllfa, gan gynnwys sefyllfa ‘dim cytundeb’.”  

Gwleidyddiaeth

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?