Novichok: rhaid cael tystiolaeth cyn cysylltu achosion

 
Nifer o fflasgiau gwydr ar fainc mewn labordy, a'r cefndir yn wyn, wyn

Llun parth cyhoeddus CC0

Mae’n “annhebygol” nad oes cyswllt rhwng dau achos o wenwyno â Novichok yn ne-orllewin Lloegr dros y misoedd diwethaf, yn ôl pennaeth gwrth-derfysgaeth gwledydd Prydain.

Ond dywed Neil Basu, sy’n un o gomisiynwyr cynorthwyol Heddlu Llundain, fod yn rhaid i’r ymchwiliad ddibynnu ar dystiolaeth yn unig.

Cafodd Sergei Skripal a’i ferch Yulia eu gwenwyno yn Salisbury ym mis Mawrth, ac fe gafodd Dawn Sturgess a Charlie Rowley eu gwenwyno yn Amesbury ddeng niwrnod yn ôl. Bu farw Dawn Sturgess nos Sul

Mae wyth milltir rhwng y ddau le ond yn ôl Neil Basu, byddai angen profi fod cyswllt fforensig rhwng y ddau achos.

“Byddwn i wrth fy modd o gael dweud ein bod ni wedi adnabod a dal y bobol sy’n gyfrifol a’n bod ni’n sicr nad oes olion o’r asiant nerfol unrhyw le yn Wiltshire.

“Ond y gwir caled yw na alla i gynnig unrhyw sicrwydd i chi ar hyn o bryd. Ar hyn o bryd, allwn ni ddim dweud â sicrwydd fod cyswllt rhwng y digwyddiad ym mis Mawrth a’r digwyddiad diweddaraf hwn.

“Yn amlwg, dyna brif linyn ein hymchwiliad, ond rhaid i’n hymchwiliad gael ei arwain gan y dystiolaeth a’r ffeithiau sydd ar gael. Byddai angen i gyswllt fforensig fod yn un pendant.”

Novichok

Mae’r heddlu’n ymchwilio i’r posibilrwydd fod Dawn Sturgess a Charlie Rowley wedi dod o hyd i gynhwysydd oedd yn dal y nwy nerfol Novichok.

Gall Novichok fod yn weithgar am hyd at 50 o flynydoedd o gael ei gadw mewn cynhwysydd.

Mae’r heddlu wedi’u beirniadu gan drigolion Amesbury am fethu â chwilio am Novichok ar ddechrau’r ymchwiliad.

 

Gwyddoniaeth a Thechnoleg

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed