Naw cwmni yn ystyried gadael oherwydd Brexit

Diweddarwyd am  

Llun parth cyhoeddus

Mae hyd at naw cwmni bellach wedi dweud eu bod yn ystyried symud swyddi o wledydd Prydain yn sgil Brexit.

Cwmni Airbus, sy’n cyflogi 7,000 o bobol yng Nghymru, yw’r diweddaraf i ddweud ei fod yn ystyried gadael a mynd i gyfandir Ewrop wedi i wledydd Prydain adael yr Undeb Ewropeaidd.

Ond mae rhestr y busnesau mawrion eraill sy’n meddwl gwneud yr un peth yn tyfu, a’r effaith ar Gymru yn ansicr.

Wyth cwmni arall

Mae Goldman Sachs yn ystyried dyblu maint ei swyddfa yn Frankfurt i 400 o staff ac mae HSBC yn bwriadu symud hyd at 1,000 o swyddi i Ffrainc.

Mae’n debygol y bydd tua 1,000 o swyddi JP Morgan yn Llundain yn symud i’r Undeb Ewropeaidd ac mae Bank of America Merrill Lynch yn symud 125 o swyddi i Ddulyn.

Ac mae banc Morgan Stanley yn meddwl creu cannoedd o swyddi yn Frankfurt a Paris.

Bydd cwmni hedfan EasyJet yn symud ei phencadlys o Luton i Fienna ar ôl ceisio am dystysgrif newydd yn Awstria i hedfan yn yr Undeb Ewropeaidd.

Tra ei fod yn dweud nad yw’r penderfyniad i wneud â Brexit, mae’r cawr o gwmni Unilever yn symud ei bencadlys i Rotterdam ac mae’r busnes Almaeneg, Siemens, wedi rhybuddio bod amser yn brin i sicrhau cytundeb ar adael yr Undeb Ewropeaidd.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?