Brexit: gwahardd aelod SNP o siambr Tŷ’r Cyffredin

Diweddarwyd am  

Palas San Steffan

Llun: Commons Wikimedia CC0

“Gwarth llwyr” – Dyna yw disgrifiad, Ian Blackford, arweinydd yr SNP o’r hyn a ddigwyddodd yn Nhŷ’r Cyffredin brynhawn ddydd Mercher (Mehefin 13).

Cafodd yr Aelod Seneddol ei wahardd o’r siambr am weddill y diwrnod, pan wrthododd â dychwelyd i’w sedd ar ôl mynnu bod yr Alban yn cael eu hanwybyddu ym mhroses Brexit.

Mi ymunodd gweddill Aelodau Seneddol yr SNP ag ef wrth adael y siambr.

Arhosodd Aelodau Seneddol Plaid Cymru – plaid sydd hefyd wedi cyhuddo Llywodraeth y Deyrnas Unedig o anwybyddu lleisiau’r llywodraethau datganoledig – yn eu seddi.

Mae’r Ceidwadwyr wedi cyhuddo Ian Blackford o geisio tynnu sylw at ei hun, oherwydd mi roedd y Llefarydd, John Bercow, wedi cytuno gwrando ar ei gynnig ar ddiwedd y sesiwn.

“Sefyll fyny”

“Dyw hyn ddim yn dderbyniol, ac mi wrthododd pleidlais wnes i fynnu,” meddai Ian Blackford wrth y BBC. “Mae’n warth llwyr.”

“Sefyll fyny tros bwerau Senedd yr Alban yw fy swydd i, a swydd fy nghydweithwyr. Ac mi fydda i’n gwneud hynny.”

Daw hyn i gyd wedi i welliannau i’r Mesur Ymadael – deddfwriaeth Brexit sy’n ymwneud â materion sydd wedi’u datganoli – gael eu pasio neithiwr ar ôl 15 munud o ddadl.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed