Dim newid i lefel chwyddiant er gwaetha’ prisiau petrol

 

(Llun Parth Cyhoeddus)

Er gwaetha’r twf ym mhrisiau petrol, doedd dim newid i lefel chwyddiant ym mis Mai.

Mae ffigurau’r Swyddfa Ystadegau (ONS) yn dangos mai 2.4% oedd y gyfradd mis diwetha’, sef yr un gyfradd â mis Ebrill.

Daw hyn er gwaetha’r cynnydd ym mhrisiau petrol, gyda phris petrol yn cynyddu – rhwng Ebrill a Mai – gan 4.6 ceiniog y litr i 125.3 ceiniog, sef y cynnydd mwyaf ers Ionawr 2011.

Cynyddodd pris disel gan 4.7 ceiniog y litr i 129.2 ceiniog. Mae’n debyg mai tensiynau yn y Dwyrain Canol oedd yn gyfrifol am hyn.

“Negyddu’r effeithiau”

“Mae cwsmeriaid wedi bod yn talu mwy er mwyn llenwi eu ceir â thanwydd, a chynnydd mawr mewn prisiau olew sy’n gyfrifol am hynny,” meddai Pennaeth Chwyddiant yr ONS, Mike Hardie.

“Mi wnaeth costau teithio ar gyfer awyrennau a fferïau, hefyd gyfrannu at y cynnydd mewn chwyddiant oherwydd amseriad Pasg.

“Fodd bynnag, mae’r cwymp ym mhrisiau gemau cyfrifiadurol, a thwf llai yng nghostau egni, wedi negyddu’r effeithiau yma rhywfaint.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?