Rhybudd o wrthryfel pellach yn erbyn Theresa May

 
Llun pen ac ystwydd o Theresa May

Theresa May

Llun: Anika Haas trwy Commons Wikimedia CC2.0

Mae ansicrwydd yn parhau ynghylch beth yn union a gafodd ei gytuno rhwng y Theresa May ac Aelodau Seneddol o’i phlaid a gafodd eu perswadio i gefnogi’r Llywodraeth ddoe.

Roedd carfan o Aelodau Seneddol Torïaidd sy’n gwrthwynebu Brexit wedi bygwth pleidleisio yn erbyn y Llywodraeth ar welliant a fyddai’n mynnu pleidlais ystyrlon yn y Senedd cyn cymeradwyo cytundeb â’r Undeb Ewropeaidd.

Yn y diwedd, llwyddodd y Llywodraeth i ennill y bleidlais allweddol o 324 i 298 ar ôl addewidion gan Theresa May am welliannau.

Yn ddiweddarach, awgrymodd y Cyfreithiwr Cyffredinol Robert Buckland nad oes unrhyw gonsesiynau gwirioneddol wedi eu gwneud.

Ar ôl cael ei berswadio i gefnogi’r Llywodraeth, fodd bynnag, rhybuddiodd un o’r darpar-wrthryfelwyr Dominic Greave ei fod yn disgwyl i Theresa May gadw at ei gair.

“Os na fydd hyn yn digwydd, mae’n amlwg nad hyn fydd diwedd y mater,” meddai. “All yr un llywodraeth oroesi os yw hi’n anwybyddu’r Senedd.”

Mae’n ymddangos fwyfwy mai llwyddo i ohirio gwrthryfel o fewn ei phlaid a wnaeth y Prif Weinidog ddoe yn hytrach na datrys anghydfod sy’n parhau.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?