Ymgyrchu tros ail refferendwm Brexit

Diweddarwyd  
Baner Jac yr Undeb gyda'r gair Brexit drosti

llun-CC0.jpg

Mae criw wedi lansio ymgyrch ffurfiol sy’n galw am ail refferendwm ar aelodaeth gwledydd Prydain o’r Undeb Ewropeaidd.

Bwriad ‘Best for Britain’ yw sicrhau “pleidlais y bobol” yn 2019 ar y cytundeb fydd gan Llywodraeth Theresa May i adael yr Undeb Ewropeaidd.

Byddai’r papur pleidleisio yn rhoi’r dewis i bobol gadw gwledydd Prydain o fewn yr Undeb Ewropeaidd.

Tros yr Haf bydd Best for Britain yn cynnal ymgyrch yn pwyso am ail bleidlais Brexit, ac mae ganddyn nhw gefnogaeth ariannol y biliwnydd George Soros.

Eu gobaith fyddai cynnal refferendwm fis Mawrth nesaf.

Sut mae hyn am weithio?

Yn ôl Best for Britain, byddai modd cynnal ail refferendwm drwy ddiwygio’r ddarpar Deddf Cytuno a Gweithredu’r Ymadael, sydd i’w thrafod yn Nhŷ’r Cyffredin yn yr hydref.

Pe bae mwyafrif o Aelodau Seneddol yn cefnogi diwygio’r Ddeddf, byddai Llywodraeth Prydain yn gorfod cynnal pleidlais ar ei thelerau ar gyfer gadael yr Undeb Ewropeaidd cyn dyddiad swyddogol Brexit, sef Mawrth 29, 2019.

A phe byddai pleidleiswyr yn gwrthod cynlluniau Theresa May, ni fyddai Brexit.

Dywedodd llefarydd Best for Britain: “Mae yn briodol bod y bobol yn cael penderfynu terfynu ein cytundeb presennol [gyda’r Undeb Ewropeaidd] ar ôl cael y cyfle i’w gymharu gyda’r cytundeb Brexit.

“Mae yn fater syml: gadewch i’r ddêl orau ennill.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?