Arweinydd yr EDL, Tommy Robinson, wedi’i garcharu

Diweddarwyd am  

Baner yr EDL

Llun: Gavin Lynn CC 2.0 trwy Gomin Wicimedia

Mae Tommy Robinson, arweinydd yr EDL (English Defence League), wedi’i garcharu am 13 mis am dorri rheolau’r llys am yr ail waith.

Fe ymddangosodd gerbron Llys y Goron Leeds ddydd Gwener (Mai 25) dan ei enw iawn, Stephen Christopher Yaxley-Lennon.

Cafodd ei arestio y tu allan i’r llys ar ôl troi at wefannau cymdeithasol i gyhoeddi manylion am achos llys arall sy’n mynd rhagddo ar hyn o bryd, lle mae gofyn i’r manylion aros yn gyfrinachol.

Dywedodd barnwr wrth Tommy Robinson ei fod e wedi rhoi’r achos hwnnw mewn perygl, ac y gallai gostio cannoedd o filoedd o bunnoedd i’w gynnal o’r newydd.

Gwyliodd y llys fideo o Tommy Robinson, 35, y tu allan i’r llys, lle’r oedd yn siarad â phobol sydd ynghlwm wrth yr achos arall. Cafodd y fideo ei wylio dros 250,000 o weithiau ar Facebook.

Cafodd ei garcharu am 10 mis am ddirmyg llys, a thri mis pellach am dorri amodau dedfryd ohiriedig flaenorol.

Cafodd ei ddedfrydu fis Mai y llynedd am geisio ffilmio pedwar dyn oedd wedi’u cael yn euog yn Llys y Goron Caergaint o dreisio merch yn ei harddegau.

Adrodd am ei garcharu

Doedd dim hawl gan y cyfryngau gyhoeddi ddydd Mawrth fod Tommy Robinson wedi cael ei garcharu, ond bod her gyfreithiol yn erbyn y penderfyniad hwnnw yn llwyddiannus. Yn ôl cyfreithwyr Tommy Robinson, mae’n difaru’r hyn a wnaeth.

Dywedodd y barnwr fod Tommy Robinson wedi bod yn annog pobol i rannu’r fideo ar y we, ac mai dyna arweiniodd at y cyhuddiad o ddirmyg llys.

Ond ychwanegodd nad yw’r weithred wedi tarfu’n ormodol ar yr achos arall.

Serch hynny, ychwanegodd fod rhaid i Tommy Robinson ddeall “canlyniadau ei weithred”.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer