‘Llafur ymhell o allu ennill etholiad cyffredinol’

 
Jeremy Corbyn yn siarad

Jerremy Corbyn

Llun: Chatham House CC2.0

Mae gan y blaid Lafur ffordd bell i fynd i allu ennill etholiad cyffredinol, yn ôl Alastair Campbell, cyn-sbin-ddoctor Tony Blair.

“Os na allwn ni guro’r siambls yma o blaid Dorïaidd, dydyn ni ddim yn haeddu bod yn y gêm,” meddai mewn araith yn beirniadu cyflwr ei blaid o dan Jeremy Corbyn.

Dywedodd fod ei deyrngarwch llwythol at y blaid Lafur yn cael ei wthio i’r eithaf ar hyn o bryd.

Mae’n cyhuddo Jeremy Corbyn a’i gefnogwyr o ddangos mwy o elyniaeth yn erbyn rhai o gefnogwyr eraill Llafur nag yn erbyn y Torïaid, ac mae’n beirniadu eu polisi tramor.

“Mae’r arweinyddiaeth yn benderfynol o amau bod y Rwsiaid yn gyfrifol am Salisbury neu fod Assad wedi ymosod ar ei bobl ei hun â nwy gwenwynig,” meddai.

Galw am wrthwynebu Brexit

Dywedodd hefyd na ddylai Llafur wneud dim i gefnogi cynlluniau Theresa May ar gyfer gadael yr Undeb Ewropeaidd.

“Os byddan nhw’n gwneud hynny, er mai’r Torïaid fydd yn cael eu gweld fel pensaer Brexit, Llafur fydd ei adeiladwr a bydd hanes yn ddidrugaredd pan fydd y tŷ yn dymchwel,” meddai.

“Gadewch inni dynnu sylw at risgiau a chostau, celwyddau, twyll a throseddu posibl Brexit heb ddal dim yn ôl.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed