Brexit: rali’n galw am y gair olaf

 
Llun o Boris Johnson yn crychu ei dalcen

Boris Johnson

Llun: Kuhlmann CC 3.0 trwy Gomin Wicimedia

Mae ymgyrchwyr oedd o blaid aros yn yr Undeb Ewropeaidd yn cynnal rali heddiw yn galw am gael y gair olaf ar amodau Brexit.

Ymhlith y rhai fydd yn cymryd rhan yn rali Pleidlais y Bobol yn Llundain ddydd Sul mae’r actor Patrick Stewart.

Mae’r ymgyrchwyr yn dadlau bod rhoi’r gair olaf iddyn nhw ar yr amodau’n rhan o’r broses ddemocrataidd.

Wrth ymateb i ymdriniaeth arweinydd Llafur, Jeremy Corbyn o weinidogion cysgodol sy’n mynd yn groes i’w farn ar Brexit, dywedodd yr actor ei fod yn “peri penbleth” iddo.

Wrth gyfeirio at Star Trek wrth siarad ar raglen Andrew Marr y BBC, dywedodd Ysgrifennydd Tramor San Steffan, Boris Johnson y byddai Brexit yn “mynd â ni’n feiddgar i feysydd ry’n ni efallai wedi eu hesgeuluso dros y blynyddoedd diwethaf.”

Ond dywedodd Patrick Stewart y byddai ei gymeriad yn Star Trek, Jean-Luc Picard wedi pleidleisio o blaid aros yn yr Undeb Ewropeaidd.

 

 

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed