Ymosodiad Salisbury: Rwsia’n galw am gyfarfod arbennig yn llys Yr Hâg

 

Llys Troseddau Rhyngwladol, Yr Hâg

Llun parth cyhoeddus

Mae Llywodraeth Rwsia wedi gofyn i Gyngor y OPCW (y Sefydliad er mwyn Atal Arfau Cemegol) am gyfarfod arbennig yn yr Hâg yfory (dydd Mercher, Ebrill 4), er mwyn trafod honiadau’r Deyrnas Unedig ynglŷn â rhan Rwsia yn yr ymosodiad yn Salisbury fis diwethaf.

Daw’r cadarnhad hwn gan lysgennad Rwsia i Iwerddon, Yury Filatov, a nod y cyfarfod yw galw ar Lywodraeth Prydain i ddarparu unrhyw dystiolaeth sydd gyda nhw ynglŷn â’r ffaith mai Rwsia oedd yn gyfrifol am wenwyno cyn-ysbïwr o Rwsia, Sergei Skripal a’i ferch, Yulia, ar Fawrth 4.

Ychwanega fod Llywodraeth Prydain wedi rhoi’r bai am yr ymosodiad ar ei wlad heb gyflwyno unrhyw dystiolaeth, a bod angen iddyn nhw “ateb cwestiynau” ynglŷn â hyn.

“Os ydyn nhw’n penderfynu eu hanwybyddu,” meddai Yruy Filatov, “mae yna ddigon o le i ddod i’r casgliad ein bod yn deilio â phryfociad enfawr sydd wedi’i drefnu gan Lundain er mwyn pardduo Rwsia.

“Dydyn ni ddim yn derbyn yr agwedd anghyfrifol ac amhriodol hon ar ran Llywodraeth Prydain. Mae’n rhaid iddyn nhw fod yn atebol i hynny.”

Ers yr ymosodiad ddechrau’r mis diwethaf, mae dros 100 o ddiplomyddion o Rwsia wedi cael eu diarddel o wledydd ledled y byd.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones