Theresa May: “Tebygol iawn” mai Rwsia oedd y tu ôl i ymosodiad Salisbury

Diweddarwyd  

Theresa May

Llun: Swyddfa Arlywydd Estonia trwy Commons Wikimedia

Mae’r Prif Weinidog, Theresa May, wedi dweud ei bod yn “debygol iawn” mai Rwsia oedd yn gyfrifol am yr ymosodiad yn Salisbury (Caersallog), lle cafodd cyn-ysbïwr o’r wlad a’i ferch eu gwenwyno.

Yn dilyn cyfarfod o’r Cyngor Diogelwch Cenedlaethol (NSC) heddiw, fe wnaeth Theresa May gadarnhau i’r Senedd yn San Steffan mai math o nwy nerfol sy’n cael ei ddatblygu gan fyddin Rwsia, o’r enw novichok, a gafodd ei ddefnyddio i wenwyno Sergei Skirpal, a’i ferch, Yulia, ar Fawrth 4.

Mae felly wedi galw ar y Kremlin i esbonio pa un a oedd yr ymosodiad yn “weithred uniongyrchol gan wladwriaeth Rwsia”, neu’n ganlyniad i Rwsia’n “colli rheolaeth” ar ei storfa o nwy nerfol.

Mae llysgennad Rwsia yn Llundain wedi cael ei orchymyn i’r Swyddfa Dramor i drafod y mater hwn, ac mae’r Ysgrifennydd Tramor wedi gofyn i’r Kremlin am ymateb erbyn diwedd yfory (Mawrth 13).

Ac os na fydd y Llywodraeth yn cael ymateb “dilys”, fe fydd Theresa May yn diweddaru’r Senedd ddydd Mercher ar ba gamau y bydd hi’n eu cymryd.

“Dau esboniad rhesymol”

“Does dim ond dau esboniad rhesymol am beth ddigwyddodd yng Nghaersallog ar Fawrth 4,” meddai’r Prif Weinidog.

“Naill ai bod hyn yn weithred uniongyrchol gan wladwriaeth Rwsia yn erbyn [y Deyrnas Unedig], neu fod Llywodraeth Rwsia wedi colli rheolaeth ar ei storfa beryglus o nwy nerfol, a’i adael i lithro i ddwylo eraill.”

Mae Sergei Skirpal, 66, a’i ferch, Yulia, 33, yn parhau mewn cyflwr difrifol yn yr ysbyty, ar ôl iddyn nhw gael eu darganfod yn anymwybodol ar fainc yn Salisbury.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed