Ymosodiad Salisbury yn “ymddangos fel ymgais i lofruddio”

Diweddarwyd  

Sergei Skripal

Llun: PA

Mae’r nwy nerfol a gafodd ei ddefnyddio i wenwyno cyn-ysbïwr o Rwsia a’i ferch, yn edrych yn debyg i ymgais i lofruddio sydd wedi cael sel-bendith gan wladwriaeth, yn ôl Aelod Seneddol blaenllaw.

Yn ôl Tom Tugendhat, cadeirydd y Pwyllgor dros Faterion Tramor yn San Steffan, mi fydd yn “syndod” iddo pe na bai’r Prif Weinidog, Theresa May, yn rhoi’r bai ar Rwsia am wenwyno Sergei Skripal a’i ferch, Yulia.

Daw hyn wrth i Theresa May gadeirio cyfarfod o’r Cyngor Diogelwch Cenedlaethol (NSC) heddiw (Mawrth 12) er mwyn trafod yr ymosodiad a fu yn Salisbury (Caersallog) dros wythnos yn ôl.

Mae’r cyn-ysbïwr a’i ferch yn parhau mewn cyflwr difrifol yn yr ysbyty ar ôl cael eu darganfod yn anymwybodol ar fainc yn y dref, a chredir mai nwy nerfol a gafodd ei ddefnyddio i wenwyno’r ddau.

Yn dilyn y cyhuddiadau mai Rwsia oedd y tu ôl i’r ymosodiad, mae’r Kremlin wedi ymateb trwy ddweud nad oedd ganddyn nhw ddim i’w wneud â’r digwyddiad.

“Pwyntio’r bys at y Kremlin”

Ond yn ôl Tom Tugendhat, a oedd yn siarad ar raglen Today ar BBC Radio 4 y bore yma, mae’n honni bod y digwyddiad yng Nghaersallog yn edrych yn debyg i “ymgais i lofruddio sydd wedi’i noddi gan wladwriaeth.”

“Mae ychydig yn rhy gynnar i fod yn hollol siŵr o hynny,” meddai. “Ond rydym yn disgwyl i’r Prif Weinidog wneud cyhoeddiad cyn bo hir.”

“Ac i ddweud y gwir, ni fydd yn syndod gen i ei bod hi’n pwyntio’r bys at y Kremlin.”

Mae cadeirydd y pwyllgor seneddol hefyd wedi rhybuddio y gall cefnogwyr pêl-droed sy’n teithio i Rwsia ar gyfer cystadleuaeth Cwpan y Byd eleni, fod o dan “fygythiad” pe bai tensiynau rhwng y Deyrnas Unedig a Rwsia yn “cynyddu”.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?