Llafur yn addo rhoi £70bn ychwanegol i’r Alban

Diweddarwyd am  

John McDonnell

Llun: Comin Wicimedia

Mae Llafur wedi addo rhoi hwb o £70bn i economi’r Alban, wrth i ganghellor yr wrthblaid, John McDonnell, rybuddio y byddan nhw’n “dod i rym”.

Dywedodd y byddai’r Alban yn gwario mwy o arian ar yr Alban ar wasanaethau cyhoeddus ac yn buddsoddi mewn isadeiledd. Mae hefyd wedi crybwyll y posibilrwydd o drenau cyflym.

Daeth ei sylwadau wrth iddo annerch cynhadledd Llafur yr Alban yn Dundee.

Dywedodd y gallai’r Alban elwa o £3bn ychwanegol y flwyddyn drwy Fformiwla Barnett, ac y byddai cronfa Trawsnewid Cenedlaethol yr Alban yn golygu gwario £20bn dros gyfnod o ddegawd.

Dywedodd hefyd y gallai Banc Buddsoddi i’r Alban roi £20bn arall i’r economi dros gyfnod o ddegawd, a hynny i helpu busnesau bychain a chanolig.

“Gadewch i ni wneud y symiau,” meddai. “Gyda’i gilydd, gallai ein hymrwymiadau dros ddegawd olygu £70bn ychwanegol i economi’r Alban.”

Lladd ar yr SNP

Wrth amlinellu’r ffigurau, fe wnaeth John McDonnell ladd ar yr SNP am wario “£340 pitw” ar Fanc Fuddsoddi i’r Alban.

“Os ydych chi’n mynd i ddwyn ein syniadau, er mwyn dyn, gwnewch e â rhywfaint o steil.”

Fe fanteisiodd ar y cyfle i feirniadu polisi llymder y Ceidwadwyr yn San Steffan a’r SNP yn yr Alban, gan ddweud bod economi’r Alban yn dioddef o ganlyniad i’r SNP yng Nghaeredin.

“Rydym ni’n dewis sosialaeth, rydyn ni’n gwneud dewis amgen.”

Wrth gyfeirio at arweinydd newydd Llafur yr Alban, Richard Leonard, dywedodd fod y blaid yn “dod i rym, ac fe fyddwn ni’n ei gipio yn yr Alban ac yng ngweddill y Deyrnas Unedig”.

Mae gan Lafur yr Alban saith Aelod Seneddol ers 2017 – i fyny o un cyn hynny.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed