Beirniadu sylwadau Jeremy Corbyn ar fewnfudo

 

Jeremy Corbyn

Llun: commons wikimedia CC0

Mae sylwadau a wnaeth Jeremy Corbyn ar fewnfudo mewn araith yng nghynhadledd Llafur yr Alban ddoe wedi cythruddo aelodau blaenllaw o’i blaid.

Wrth drafod ei farn ar Brexit, roedd Jeremy Corbyn wedi dweud na allai llywodraeth Lafur yn y dyfodol “gael ei dal yn ôl, o fewn neu’r tu allan i’r Undeb Ewropeaidd, … rhag rhwystro cyflogwyr allu mewnforio llafur asiantaeth rhad, i ostwng tâl ac amodau yn enw uniongrededd y farchnad rydd”.

Ymhlith y rhai sydd wedi beirniadu ei sylwadau mae Kezia Dugdale, cyn arweinydd Llafur yn yr Alban.

“Dylai ein plaid ni, plaid rhyngwladoldeb a chydraddoldeb sy’n credu mewn rhyddid, gobaith a chyfle, fod yn un sy’n falch o ddadlau dros fewnfudo,” meddai.

“Plaid sy’n mynd ati i ddadlau’n gadarnhaol fod ein gwlad yn gyfoethocach yn ddiwylliannol ac yn economaidd oherwydd mewnfudo, nid er ei waethaf.

“Plaid sy’n datgan yn glir a diamwys mai ideoleg llymder y Torïaid sy’n gyfrifol am eich trafferthion i gael swydd, cael tŷ neu weld eich meddyg – nid eich cymydog Pwylaidd y drws nesaf.

“Mae pob diwrnod rydyn ni’n methu â gwneud hynny yn ddiwrnod y mae Nigel Farage a’i debyg yn gwenu.”

Cefnogi’r Farchnad Sengl

Dywedodd Ian Murray, AS De Caeredin, sy’n ymgyrchu dros i Lafur gefnogi aros yn y Farchnad Sengl, ei fod yn siomedig iawn gydag agwedd Jeremy Corbyn.

“Mae mewnfudo’n dda i’r Deyrnas Unedig ac i’r Alban a rhaid inni fod yn ddigon dewr i sefyll a dadlau dros hyn,” meddai.

“Ac ro’n i’n hynod o siomedig o weld ddoe mai’r unig un fyddai’n gwenu ar ôl y sylwadau hyn yn araith Jeremy fyddai Nigel Farage.”

Dywedodd ei fod yn ffyddiog fod aelodaeth Llafur yn cefnogi’r ymgyrch dros aros yn y Farchnad Sengl, ac mai’r her bellach yw argyhoeddi mainc flaen Llafur.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?