Y Blaid Lafur yn gwrthod arian Max Mosley

 

Tom Watson AS

Llun: Portread swyddogol Ty’r Cyffredin

Mae’r Blaid Lafur wedi cyhoeddi na fyddan nhw’n derbyn unrhyw rhoddion ariannol o law Max Mosley yn y dyfodol, ar ôl i bamffled hiliol yn dyddio’n ol bron i 60 mlynedd gael ei ‘darganfod’.

Mae’r pamffled gan gyn-lywydd FIA yn dyddio o 1961, ac yn cefnogi ymgeisydd yr Union Movement, sef plaid ei dad, Oswald Mosley, ar gyfer is-etholiad yn y flwyddyn honno.

Fe gafodd y pamffled ei ddarganfod gan bapur newydd The Daily Mail wrth iddyn nhw bori trwy archifau hanesyddol ym Manceinion, ac mae’n cynnwys sylwadau sy’n cysylltu ffoaduriaid sydd ddim yn wyn gyda chlefydau megis y dicáu, leprosi a chlefydau rhywiol.

Pamffled “ffiaidd”

Mae llefarydd ar ran y Blaid Lafur wedi disgrifio’r pamffled fel un “ffiaidd”, gan ychwanegu na fydd dirprwy arweinydd y Blaid, Tom Watson – sydd wedi derbyn dros £500,000 gan Max Mosley yn y gorffennol – na chwaith y blaid yn derbyn unrhyw daliadau pellach oddi wrtho.

“Mae’r Blaid Lafur wedi symud ymlaen o dderbyn rhoddion mawr wrth unigolion cyfoethog,” meddai.

“Dw i ddim yn credu na fydd unrhyw daliadau gan Max Mosley yn cael eu gwneud i’r Blaid Lafur na Tom Watson. Cafodd y taliadau diwethaf eu gwneud y llynedd.”

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?