Nigel Owens “wedi twyllo”, meddai cyflwynydd o Loegr

Diweddarwyd  
Nigel Owens

Nigel Owens

Llun: Florian Christoph trwy Gomin Wicimedia

Mae’r cyflwynydd teledu Nick Knowles wedi lladd ar berfformiad y dyfarnwr o Gymru, Nigel Owens yn ystod gêm yr Alban yn erbyn Lloegr ym Murrayfield brynhawn ddoe.

Roedd sawl penderfyniad dadleuol yn ystod y gêm, wrth i’r Alban ennill o 25-13 i roi terfyn ar obeithion Lloegr o ennill y Gamp Lawn.

Ymhlith y feirniadaeth fwyaf llym roedd sylwadau gan y cyflwynydd teledu Nick Knowles.

Awgrymodd mewn un neges fod y dyfarnwr o Fynyddcerrig yn Sir Gâr “wedi ceisio dial am fuddugoliaeth Lloegr dros Gymru”.

Mewn neges arall, fe ddywed y cyflwynydd fod y penderfyniad i wrthod cais i Loegr am drosedd yn y cymal blaenorol yn “warthus”, gan anelu cyhuddiad uniongyrchol at y dyfarnwr fod ei “ragfarn wrth-Loegr yn rhy amlwg”.

Ac mewn neges arall, mae’n mynd mor bell ag awgrymu bod y dyfarnwr “wedi twyllo”.

Amddiffyn y dyfarnwr

Ond mae Nigel Owens wedi cael cefnogaeth o le annisgwyl – gan gyn-ganolwr Lloegr, Will Greenwood.

Wrth ymateb i’r sylwadau, dywedodd ei fod yn teimlo “embaras”, cyn ychwanegu bod “nifer o bethau i’w beio” am y canlyniad, ond “nid Nigel”.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones