Comisiwn Elusennau yn ymchwilio i ymddygiad Oxfam

 

Mae’r Comisiwn Elusennau wedi dechrau ymchwiliad i waith Oxfam, yn dilyn honiadau o gamymddwyn rhywiol ac ymddiswyddiad un o’i phrif ffigyrau.

Bellach mae’r elusen wedi ymddiheuro yn sgil honiadau bod ei gweithwyr wedi ymweld â phuteiniaid wrth weithio yn Haiti saith blynedd yn ôl.

Wrth gyhoeddi ei hymddiswyddiad, dywedodd y Dirprwy Prif Weithredwr, Penny Lawrence, bod Oxfam yn wynebu brwydr i “adfer ffydd y cyhoedd”.

Yn ôl y Comisiwn Etholiadol, mae’n bosib fod Oxfam wedi methu â “datgelu manylion am yr honiadau, mewn modd onest a llawn, ar y pryd yn 2011″.

“Annerbyniol”

“Mae elusennau a gweithwyr cymorth, gweithgar ac ymroddedig, yn cyflawni gwaith allweddol sydd yn achub bywydau,” meddai Dirprwy Prif Bennaeth y comisiwn, David Holdsworth.

“Fodd bynnag, mae’r materion sydd wedi dod i’r amlwg dros y dyddiau diwethaf yn codi syndod, ac yn annerbyniol. Mae’n bwysig ein bod yn gweithredu ar frys i sicrhau ein bod yn delio â’r materion.”

Datblygiadau eraill:

· Mae cyn-Bennaeth Diogelu Oxfam, Helen Evans, wedi galw ar brif aelodau staff i fynd i’r afael â’r honiadau.

· Mae Prif Weithredwr Oxfam, Mark Goldring, wedi dweud na fydd yn camu o’r neilltu.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd