Stormont: Theresa May a’r Taoiseach i gyfarfod

 
Palas Stormont a'r gerddi o'i gwmpas

Stormont

Llun: robertpaulyoung CCA 2.0

Bydd Prif Weinidog y Deyrnas Unedig a Taoiseach Iwerddon yn teithio i Ogledd Iwerddon heddiw (Chwefror 12) gan obeithio dod i gytundeb tros sefydlu llywodraeth yno.

Bydd yr arweinwyr yn cwrdd â phrif bleidiau Stormont wrth iddyn nhw barhau â’u trafodaethau tros ddod ag anghydfod 13 mis o hyd, i ben.

Mae disgwyl i Theresa May ddweud wrth y pleidiau y bydd ei Llywodraeth yn dychwelyd grym cyn gynted â phosib, wedi iddyn nhw ddod i gytundeb.

Mi wnaeth y Taoiseach, Leo Varadkar, ganslo cyfarfod â Phrif Weinidog Cymru, Carwyn Jones, yn Nulyn heddiw er mwyn teithio i Stormont – arwydd, o bosib, fod y pleidiau’n agosáu at daro bargen.

Deddf Iaith

Mae pleidiau Gogledd Iwerddon wedi bod wrthi’n ceisio ailffurfio llywodraeth ers i glymblaid y DUP/Sinn Fein fethu ym mis Ionawr 2017.

Mater allweddol sydd wedi rhwystro’r ymdrechion hyd yma, yw’r anghydfod tros Ddeddf Iaith Wyddeleg. Mae’r DUP yn mynnu na fyddan nhw’n ei chefnogi os na fydd Sgoteg Wlster yn cael ei diogelu hefyd.

Ond, bellach mae’n ymddangos bod y pleidiau yn agosáu at gyfaddawd, gydag Arweinydd Sinn Fein yn Stormont, Michelle O’Neill, yn dweud ei bod yn disgwyl cytundeb erbyn diwedd yr wythnos hon.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed