Dathliadau’r Flwyddyn Newydd: Adolygu mesurau diogelwch

 

Llun parth cyhoeddus trwy Commons Wikimedia

 

Fe fydd mesurau diogelwch ar gyfer dathliadau’r Flwyddyn Newydd yn Llundain yn cael eu hadolygu yn sgil yr ymosodiadau brawychol eleni, meddai Scotland Yard.

Mae disgwyl i blismyn arfog, rhagor o gerbydau a chwn yr heddlu fod ar ddyletswydd wrth i gannoedd ar filoedd o bobl ymgynnull yn Llundain ar 31 Rhagfyr i wylio’r tan gwyllt.

Daw hyn yn dilyn pedwar ymosodiad brawychol difrifol yn 2017, gan gynnwys yr ymosodiad ar Balas Westminster ym mis Mawrth pan gafodd pump o bobol eu lladd, a’r ymosodiad ar Bont Llundain ym mis Mehefin pan fu farw wyth o bobl.

A bu ymosodiad difrifol ym Manceinion yn ystod cyngerdd Ariana Grande ym mis Mai pan gafodd 22 o bobl eu lladd.

Dramor, cafodd wyth o bobl eu lladd mewn ymosodiad yn Efrog Newydd ym mis Hydref a bu farw 16 o bobl mewn ymosodiadau brawychol yn Barcelona a Cambrils yn Sbaen ym mis Awst.

Er nad oes bygythiad uniongyrchol i’r dathliadau ar Nos Galan, meddai Scotland Yard, maen nhw’n annog pobl i fod yn wyliadwrus ac i fynd at swyddogion yr heddlu neu drefnwyr y digwyddiad os ydyn nhw’n gweld unrhyw beth amheus.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd