Ysgrifennydd Amddiffyn eisiau gwahardd ymladdwyr IS

 

Gavin Williamson

Llun: Chris McAndrew CC 3.0 trwy Commons Wikimedia

Ddylai pobol o wledydd Prydain sy’n ymladd tros y Wladwriaeth Islamaidd ddim cael eu derbyn yn ôl adref, meddai Ysgrifennydd Amddiffyn llywodraeth San Steffan.

Yn ôl Gavin Williamson, fe ddylai’r rheiny sy’n benderfynol o greu “dinistr, marwolaeth a thywallt gwaed” ar strydoedd gwledydd Prydain gael eu “hela” er mwyn “dileu” y bygythiad.

“All brawychwyr marw ddim gwneud niwed i neb ar strydoedd Prydain,” meddai’r gwleidydd mewn cyfweliad â phapur newydd The Daily Mail.

 

“Mae ein lluoedd arfog yn gweithio ledled y byd er mwyn gwneud yn siwr nad ydi jihadis yn gallu dychwelyd adref.

“Dw i ddim yn credu y dylai’r un  brawychwr, p’un ai ydyn nhw’n dod o Brydain ai peidio, fyth gael caniatad i ddod i mewn i’r wlad hon.

“Mae llawer o’r hyn sy’n digwydd ym Mhrydain o ran brawychiaeth, yn dechrau mewn llefydd fel Libya, Irac a Syria,” meddai Gavin Williamson wedyn.

“Ein gwaith ni yw dileu hyn.”

Mae cannoedd o ddinasyddion Prydeinig wedi teithio i Syria i ymladd gyda grwpiau Islamaidd yn ystod y blynyddoedd diwethaf.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd