“Rhagrith” Nigel Farage tros bensiwn Ewropeaidd

Diweddarwyd  
Nigel Farage

Nigel Farage

Llun: Flickr trwy Gomin Wicimedia

Mae cyn-arweinydd UKIP, Nigel Farage wedi cael ei gyhuddo o ragrith ar ôl dweud y byddai’n fodlon derbyn ei bensiwn gan yr Undeb Ewropeaidd.

Fel Aelod Seneddol Ewropeaidd, fe fydd e’n derbyn pensiwn blynyddol o £73,000 ymhen deng mlynedd pan fydd yn 63 oed, yn ôl y Sunday Times.

Fe allai’r pensiwn gael ei ariannu’n rhannol gan ffi “ysgariad Brexit” Prydain pe bai yna gytundeb yn y pen draw.

Wrth ateb a fyddai’n fodlon derbyn y pensiwn, dywedodd Nigel Farage: “Wrth gwrs y byddwn i’n ei gymryd e.

“Dw i wedi dweud hynny ers y diwrnod cyntaf. Pam ddylai fy nheulu ac eraill ddioddef ymhellach.”

‘Dim rhagrith’

Dywedodd llefarydd Brexit y Democratiaid Rhyddfrydol, Tom Brake: “Mae Nigel Farage yn rhagrithiwr digywilydd.

“Mae e’n cicio yn erbyn pot mêl bondigrybwyll yr Undeb Ewropeaidd, ond mae e’n hapus i dderbyn yr arian pan fydd yn ei siwtio fe.

“Synnwn i ddim pe bai e hefyd yn cefnogi bil ysgariad Brexit o £50 biliwn sy’n cynnwys yr arian i dalu am ei bensiwn gan yr Undeb Ewropeaidd.”

Ond fe ddywedodd Nigel Farage wrth ymateb nad oedd yn disgwyl derbyn ei bensiwn yn y pen draw, ac nad yw’n rhagrithiol.

“Dw i newydd bleidleisio o blaid cael gwared ar fy swydd. Fi oedd y twrci a bleidleisiodd dros y Nadolig. Sut mae hynny’n rhagrithiol?”

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd