Rhybudd ‘smog’ yn ystod y briodas frenhinol

Diweddarwyd am  


Mae un o Aelodau Cynulliad Llundain wedi rhybuddio pobol sydd am deithio i’r ddinas yn ystod y briodas fawr fod lefelau llygredd yn uchel yno.

Mae Jenny Jones o’r Blaid Werdd wedi ysgrifennu at Faer Llundain, Boris Johnson, yn galw arno i sicrhau bod ymwelwyr yn ymwybodol o’r mwrllwch (smog) ynghanol y ddinas.

Daw’r rhybudd wedi i ffigyrau ddangos bod ansawdd yr aer ynghanol y ddinas yn waeth na’r isafswm sy’n cael ei ganiatâd dan reolau’r Undeb Ewropeaidd.

Mae gan Lywodraeth San Steffan nes mis Mehefin er mwyn datrys y broblem neu fe fydd yn wynebu dirwy.

Ond dywedodd Jenny Jones y dylai ymwelwyr gael gwybod nad ydi safon yr aer yn ddigon da cyn y Briodas Frenhinol.

“Fe fydd yna gannoedd o filoedd o deithwyr yn mynd i ganol Lundain, un o’r dinasoedd mwyaf llygredig yn Ewrop,” meddai.

“Fe ddylai’r Maer roi gwybod i bobol fod anadlu’r aer yno yn peryglu eu hiechyd.

“Mae’n bwysig i bobol sy’n dioddef o broblemau anadlu hirdymor gael gwybod am hyn.

“Mae safon yr aer yn Llundain yn wael ar hyn o bryd ac mae hynny’n debygol o fod yn wir adeg y Briodas Frenhinol hefyd.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed