Dadl ynysoedd cynnes yn poethi

 


Ynysoedd Syllan - y lle cynhesaf (efallai)
Mae hysbyseb Jersey sy’n honni mai’r ynys yw’r lle cynhesaf ar Ynysoedd Prydain yn bwnc llosg ar Ynysoedd Syllan.

Mae swyddogion twristiaeth yr ynysoedd oddi ar arfordir Cernyw yn anhapus â honiad yr ymgyrch farchnata £1m mai’r mwyaf o Ynysoedd y Sianel yw’n man cynhesaf.

Mae data’r Swyddfa Dywydd sy’n dangos tymheredd cyfartalog yr ynysoedd yn awgrymu mai Ynysoedd Syllan yw’r lle poethaf yn Ynysoedd Prydain.

Yn ôl Adran Dywydd Jersey, 8.9 gradd Celsius yw’r tymheredd cyfartalog yno, tra bod tymheredd cyfartalog ynys St Mary’s, y mwyaf o Ynysoedd Syllan, yn 9.4 gradd Celsius yn ôl y Swyddfa Dywydd.

Mae Cyngor Ynysoedd Syllan hefyd yn honni nad ydi Jersey yn rhan o Ynysoedd Prydain yn y lle cyntaf, er ei bod yn eiddo i’r Goron.

Dywedodd Julian Pearce, o swyddfa datblygiad economaidd Ynysoedd Syllan, wrth bapur newydd y Guardian ei fod yn “bwriadu ysgrifennu at Jersey i’w hatgoffa o’n lleoliad daearyddol a’r ffaith mai ni yw’r lle cynhesaf yn y Deyrnas Unedig”.

Ychwanegodd ei fod yn ymchwilio i weld a oedd yna sail i wneud cwyn i’r Awdurdod Safonau Hysbysebion.

Dywedodd llefarydd ar ran Swyddfa Dwristiaeth Jersey eu bod nhw’n wleidyddol yn rhan o Ynysoedd Prydain, os nad yn ddaearyddol.

Mynnodd mai nod yr hysbyseb oedd awgrymu mai pobol Jersey oedd y mwyaf twym galon yn Ynysoedd Prydain.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones