Plisman achos Tomlinson wedi bod ynghanol torf fygythiol

 


Ian Tomlinson yn syth wedi'r digwyddiad
Roedd y plisman a wthiodd werthwr papurau i’r llawr yn fuan cyn iddo farw wedi gorfod wynebu torf fygythiol yn taflu poteli.

Dyna’r dystiolaeth ddiweddara’ yn y cwest i farwolaeth Ian Tomlinson, dyn diniwed a fu farw yn ystod protestidau yn erbyn gwledydd cyfoethog yr G20 yn Llundain.

Fe gafodd clip fideo ei ddangos o gannoedd o bobol yn tyrru i fyny stryd lle’r oedd Pc Simon Harwood yn ceisio dal gafael ar ddyn oedd wedi cael ei ddrwgdybio o achosi difrod i gerbyd yr heddlu.

Taro pen

Roedd y darn o fideo’n dangos y dorf yn ymateb yn ddig ar ôl i ddyn daro ei ben yn erbyn cornel drws un o gerbydau’r heddlu wrth iddo gael ei arwain oddi yno.

Fe glywodd y cwest bod y dorf wedi ffurfio hanner cylch o amgylch yr heddwas a’r dyn ac roedd poteli wedi chwalu wrth draed Pc Simon Harwood.

Er bod lluniau wedi’u dangos o’r plismon yn gwthio Ian Tomlinson i’r llawr, dyw e ddim wedi cael ei erlyn mewn llys.

Ond mae Pc Simon Harwood yn wynebu colli ei swydd os bydd yr heddlu’n penderfynu ei fod wedi camymddwyn.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn