Traean o’r heddlu ‘ddim yn y rheng flaen’

Diweddarwyd am  


Heddlu
Dim ond dau o bob tri o staff yr heddlu sydd yn y ‘rheng flaen’ yn ymladd trosedd yng Nghymru a Lloegr, yn ôl adroddiad gan gorff arolygu’r heddlu.

Ac, yn ôl y Prif Arolygydd, Syr Denis O’Connor, fe fydd hi’n anodd iawn cynnal y lefelau hynny yn y dyfodol gyda’r toriadau gwario’n creu “sialens fawr”.

O’r holl staff yn y 43 o heddluoedd yng Nghymru a Lloegr, 68% sy’n gweithio yn y rheng flaen a dim ond 61% o swyddogion heddlu a swyddogion heddlu cymunedol sydd ar gael i’r cyhoedd ac yn  ymateb i achosion brys.

Mae’r gyfran sydd ar gael ar unrhyw un adeg benodol yn amrywio – gyda chyfartaledd o 12% o swyddogion a heddlu cymunedol mewn swyddi lle maen nhw i’w gweld i fod ar gael i’r cyhoedd.

Diffinio ‘rheng flaen’

Yr archwiliad hwn yw’r cyntaf i greu diffiniad o “rheng flaen” – swyddogion sy’n cysylltu â’r cyhoedd bob dydd, yn ymyrryd yn uniongyrchol i gadw pobol yn ddiogel ac yn cynnal cyfraith a threfn”.

Ond roedd Denis O’Connor yn pwysleisio bod staff sydd yn y cefndir hefyd yn allweddol i gyflawni’r gwaith rheng flaen.

“Fe fydd y Llywodraeth yn parhau i gefnogi lluoedd Heddlu drwy gael gwared â biwrocratiaeth a cheisio gweithredu’r fwy effeithiol.” Meddai Nick Herbert, y Gweinidog Heddlu.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn