O leiaf 250,000 yn gorymdeithio yn Llundain

 


Mae cannoedd o filoedd wrthi’n gorymdeithio yn Llundain i brotestio yn erbyn toriadau’r llywodraeth ar wario cyhoeddus.

Roedd y TUC wedi amcangyfrif y byddai tua 100,000 o undebwyr llafur ac ymgyrchwyr eraill yn cymryd rhan yn yr orymdaith ond roedd hi’n amlwg fod o leiaf 250,000 o brotestwyr wedi cyrraedd Llundain cyn i’r orymdaith ddechrau.

Fe gychwynnodd yr orymdaith chwarter awr yn gynnar, gydag aelodau’r undeb Unsain a’u harweinydd Dave Prentis ar y blaen.

 “Roedden ni wedi disgwyl presenoldeb anferth gan fod Unsain yn unig wedi trefnu 500 o fysiau a nifer o drenau arbennig – ond mae’r niferoedd yn gwbl anhygoel,” meddai.

“Teuluoedd a gweithwyr cyffredin sydd yma, llawer ohonyn nhw gyda’u plant yma’n anfon neges i David Cameron i roi’r gorau i’r toriadau niweidiol sy’n arwain at golli degau o filoedd o swyddi a chau gwasanaethau gan gynnwys llyfrgelloedd a chartrefi gofal.”

Mae cannoedd o blismyn y tu allan i’r Senedd y tu ôl i fariau haearn wrth i’r protestwyr gerdded i lawr Whitehall.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn