Amser penderfynu beth i’w wneud yn Libya – Hague

 


Yr Ysgrifennydd Tramor William Hague
Mae’n bryd i’r gymuned ryngwladol benderfynu os ydi hi am ymyrryd yn filwrol ai peidio yn Libya, yn ôl yr Ysgrifennydd Tramor William Hague.

Ar ôl i’r Gynghrair Arabaidd gefnogi galwadau am waharddiad hedfan yn y wlad, dywedodd William Hague y dylai’r gymuned ryngwladol ystyried ceisiadau’r gwrthryfelwyr am help i warchod y boblogaeth rhag awyrennau rhyfel y Cyrnol Muammar Gaddafi.

Dywedodd hefyd y gallai llywodraeth Prydain ystyried arfogi’r gwrthryfelwyr i’w helpu nhw oresgyn grym milwrol cryfach lluoedd Gaddafi.

“Rydyn ni’n cyrraedd dydd o brysur bwyso ar beth sy’n digwydd nesaf,” meddai William Hague, sy’n cyfarfod cyd-weinidogion tramor gwledydd y G8 yn Paris heno.

“Mae gwaharddiad hedfan yn amlwg yn un o’r prif awgrymiadau. Dyw hynny ddim yn ateb i bopeth, ond mae’r Gynghrair Arabaidd wedi galw am hynny ac mae’n rhywbeth y mae’n rhaid i’r gymuned ryngwladol ei ystyried.”

Dywedodd mai’r ffordd “lanaf a symlaf” o sicrhau sail gyfreithiol ar gyfer gwaharddiad hedfan fyddai cynnig yng Nghyngor Diogelwch y Cenhedloedd Unedig, ond nad oedd hynny’n hanfodol o angenrheidrwydd.

“Mewn achosion o angen dyngarol enfawr a llethol, mae gwledydd yn gallu gweithredu o dan gyfraith ryngwladol, hyd yn oed heb gynnig yn y Cyngor Diogelwch,” meddai.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn