Cynllun yr Alban i osgoi’r Etholiad Cyffredinol

 


Senedd yr Alban
Fe allai term Senedd yr Alban barhau am flwyddyn ychwanegol yn y dyfodol, yn ôl Ysgrifennydd yr Alban, Michael Moore.

Fe fyddai’n newid yn debygol o arwain at alwadau i wneud yr un fath yng Nghymru.

Ar hyn o bryd mae termau Cynulliad Cymru a Senedd yr Alban yn parhau am bedair blynedd.

Ond wrth i Lywodraeth San Steffan ddatgelu cynllun i sicrhau bod pum mlynedd union rhwng bob Etholiad Cyffredinol, daeth i’r amlwg y byddai’r etholiadau yn cyd-daro yn 2015.

Y pryder yw y bydd yr Etholiad Cyffredinol yn golygu nad yw Etholiadau’r Cynulliad ac Etholiad Seneddol yr Alban yn cael digon o sylw.

Dywedodd Michael Moore wrth bapur newydd The Herald yn yr Alban y byddai term pum mlynedd o hyd yn golygu nad yw Etholiadau Seneddol yr Alban a’r Etholiadau Cyffredinol byth yn cyd-daro eto.

“Rydyn ni yn ystyried a ddylai’r term pum mlynedd ddigwydd unwaith [er mwyn osgoi Etholiad Cyffredinol 2015], neu a ddylai fod yn drefn barhaol,” meddai.

“Pan benderfynwyd ar dermau pedair blynedd yn wreiddiol, roedd hynny o ganlyniad i lawer iawn o drafod â’r cyhoedd.

“Ond mae’n deg ac yn gywir ein bod ni’n ystyried y peth yn llawn ar ôl yr etholiadau ym mis Mai.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Perthynas gymhleth Cymru a Lerpwl