SNP – ar y ffordd i ennill 50

 


Ruth Davidson, arweinydd Ceidwadwyr yr Alban - am ennill seddi, ond yn colli tir (llun oi' chyfri Twitter)
Yr arolwg barn diweddara’n dangos y Ceidwadwyr yn gwanhauFe fydd plaid yr SNP yn ennill 50 o’r 59 sedd yn yr Alban, os yw’r pôl piniwn diweddara’n gywir.

Er fod hynny chwech yn llai nag yn 2015, fe fyddai’n dal i gael ei ystyried yn fuddugoliaeth fawr i’r blaid genedlaethol.

Y Torïaid fyddai’n ennill seddi oddi arnyn nhw, yn ôl yr arolwg gan Ipsos Mori i gwmni teledu STV.

Er eu bod yn gyfartal gyda Llafur o ran canran, fe allen nhw ennill chwech sedd ychwanegol i gael cyfanswm o saith.

Y manylion

Dyma’r sgoriau yn ôl y pôl:

SNP                       43%

Ceidwadwyr        25%

Llafur                    25%

Dem Rhydd           5%

Os yw’r pôl yn agos ati, dim ond un sedd yr un fyddai gan Lafur a’r Democratiaid Rhyddfrydol.

Ceidwadwyr yn colli tir

Mae’r arolwg hefyd yn cadarnhau tuedd arolygon barn Prydeinig diweddar sy’n dangos canran Llafur ar gynnydd a’r Ceidwadwyr yn gostwng yn ystod y pythefnos diwetha’.

Yn ôl yr arolwg Prydeinig diweddara’ gan YouGOv, fe allai’r Ceidwadwyr a Theresa May golli eu mwyafrif Prydeinig yn llwyr.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones