Papur newydd The Sun yn ymddiheuro i bêl-droediwr Everton

Diweddarwyd am  


Mae papur newydd The Sun wedi cyhoeddi ymddiheuriad i bêl-droediwr Everton a Lloegr, Ross Barkley, ar ôl iddo gael ei ddisgrifio fel gorila mewn colofn gan y cyn-olygydd Kelvin MacKenzie.

Ochr yn ochr â’r sylwadau sarhaus, roedd llun o lygaid gorila o dan lun o lygaid Ross Barkley, dyn yr oedd ei daid wedi ei eni yn Nigeria.

Dywed yr ymddiheuriad yn y papur heddiw:

“Pan gafodd ei gyhoeddi, nid oedd y papur yn gwybod am gefndir teuluol Ross Barkley, ac ni fwriadwyd unrhyw sarhad.

“Cyn gynted ag y tynnwyd ein sylw at ei gefndir, cafodd yr erthygl ei dileu ar-lein.

“Mae’n Sun wedi ymddiheuro am y tramgwydd a achoswyd gan y darn, a hoffem gymryd y cyfle hwn i ymddiheuro’n bersonol i Ross Barkley.”

Gwahardd

Roedd Kelvin MacKenzie wedi ysgrifennu’r golofn yn rhifyn 14 Ebrill o’r papur ar ôl i Ross Barkley gael ei ddyrnu mewn bar yn Lerpwl y penwythnos cynt.

Roedd wedi ysgrifennu:

“Efallai’n annheg, dw i bob amser wedi barnu Ross Barkley fel un o’n pêl-droedwyr mwyaf twp.

“Dw i’n cael teimlad tebyg wrth weld gorila mewn sŵ. Mae’r corff yn rhyfeddol ond y llygaid sy’n dweud y stori.”

Cafodd y colofnydd ei atal o’i waith gan y papur newydd wedi hyn, ac mae newyddiadurwyr y Sun wedi cael eu gwahardd o Goodison Park, stadiwm a maes hyfforddi Everton.

Kelvin MacKenzie oedd golygydd y Sun pan gyhoeddodd y papur gelwyddau am gefnogwyr Lerpwl yn dilyn trychineb Hillsborough yn 1989.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones