Mae rali gan Britain First a’r English Defence League yn Llundain wedi arwain at derfysg ar ôl i brotestwyr ddangos eu dicter.
Roedd y grwpiau’n disgrifio’r rali fel “gorymdaith yn erbyn brawychiaeth”, ac roedd wedi’i gynnal yn agos i ddigwyddiad oedd wedi’i drefnu gan fudiad Unite Against Facism.
Dechreuodd yr ymladd wrth i gyn-arweinydd yr EDL, Tommy Robinson gyrraedd.
Fe ddywedodd wrth y protestwyr fod yn gas ganddyn nhw “ryddid barn”.
Yn ôl Scotland Yard, mae 14 o bobol wedi cael eu harestio.
Daw’r gwrthdaro ychydig dros wythnos ar ôl yr ymosodiad brawychol ger San Steffan, pan gafodd pedwar o bobol eu lladd gan Khalid Masood.