Hillsborough: “Fi oedd y bwch dihangol” meddai plismon yn ei lyfr

Diweddarwyd am  


Syr Norman Bettison
Mae un o’r plismyn oedd yn ganolog yn nhrychineb stadiwm pêl-droed Hillsborough yn 1989 ar fin cyhoeddi ei hunangofiant yn adrodd ei fersiwn o o’r hanes.

Dywed Norman Bettison, cyn-bennaeth Heddlu Glannau Mersi oedd yn blismon gyda Heddlu De Swydd Efrog adeg y trychineb, ei fod e’n “fwch dihangol” a’i fod e wedi cael ei drin yn “annheg” yn sgil Hillsborough.

Bydd yr elw o werthiant y gyfrol Hillsborough Untold, sy’n cael ei gyhoeddi fis nesaf, yn mynd i elusennau.

Yn ystod y cwest i farwolaeth 96 o gefnogwyr Lerpwl ar ddiwrnod gêm y clwb yn erbyn Nottingham Forest yn Sheffield, fe wadodd Bettison y canlynol:

* ei fod yn aelod o “uned bropaganda ddu”

* ei fod e wedi dweud wrth fyfyrwyr ar gwrs busnes fod yr heddlu’n bwriadu rhoi’r bai am Hillsborough ar y cefnogwyr – roedd myfyriwr wedi honni iddo ddweud hyn wrtho yn ystod sgwrs

* ei fod e wedi celu ei ran yn Hillsborough wrth wneud cais am swydd Prif Gwnstabl Heddlu Glannau Mersi

* mai ei swyddogaeth yn ystod cwest Hillsborough oedd pardduo cefnogwyr

* ei fod e wedi addasu datganiadau plismyn am drychineb Hillsborough a bod yr heddlu wedi beio’r cefnogwyr mewn ymgais i dynnu sylw oddi arnyn nhw eu hunain

Wrth ddisgrifio’i resymau tros lunio’r gyfrol, dywed Bettison nad yw am i “yrfa ddeugain mlynedd gael ei diffinio gan gyhuddiadau ffals”.

Galwodd ar ddarllenwyr i fynd at y llyfr “gyda meddwl agored”.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd