Apple yn wynebu clamp o fil treth

 


Mae cwmni Apple yn wynebu bil treth gwerth biliynau o ewros yn dilyn ymchwiliad yr Undeb Ewropeaidd (UE) i’r cymorth a gafodd gan Lywodraeth Iwerddon.

Mae’r ymchwiliad tair blynedd o hyd yn canolbwyntio ar strwythurau treth y cawr o gwmni, a’r “bargenion” treth â’r llywodraeth, sy’n mynd yn ôl mor bell ag 1991.

Yn 2014, fe wnaeth Brwsel rybuddio Llywodraeth Iwerddon fod yna amheuon ynglyn a chysondeb y trefniadau â rheolau mewnol marchnad yr UE.

Yn ôl y Comisiwn Ewropeaidd, roedd yn pryderu dros tan-gyfrifo elw trethadwy cynnyrch Apple fel iPhone ac iPad, gan greu mantais annheg.

Does dim disgwyl i’r Comisiynydd a arweiniodd yr ymchwiliad, Margrethe Vestager, nodi union gost y trethi heb eu talu ond mae disgwyl iddi ddatgan ei chanfyddiadau a’r broses dros gyfrifo’r bil hwnnw.

Apelio’r dyfarniad

Waeth beth fydd y penderfyniad, mae disgwyl i Apple a Llywodraeth Iwerddon ei herio yn llysoedd Ewrop.

Mae gan Apple safle yn Iwerddon ers 1980 ac mae’n cyflogi tua 5,500 o bobol yn y wlad, gyda’r nifer fwyaf yn ninas Cork.

Mae’r achos yn ystyried y fantais dreth a gafodd Apple gan y llywodraeth, nad oedd ar gael i gwmnïau eraill.

Mae Apple a Llywodraeth Iwerddon yn gwadu torri unrhyw reolau.

Daw’r dyfarniad wythnos yn unig cyn i Apple lansio ei ddyfeisiau diweddaraf, y iPhone 7 a fersiwn newydd o’r Apple Watch.

Targedu Starbucks a Fiat

Mae ymchwiliadau swyddfa’r Comisiynydd Margrethe Vestager wedi targedu cwmnïau Starbucks a Fiat hefyd, gyda’r ddau yn apelio yn erbyn y dyfarniadau yn eu gorchymyn i dalu trethi yn ôl i’r Iseldiroedd a Lwcsembwrg.

Mae Adran Gyllid Iwerddon wedi gwrthod ymateb cyn cyhoeddiad y Comisiynydd.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer