Crebachiad economi Prydain ‘yn waeth na’r disgwyl’

 


Y Canghellor, George Osborne
Roedd ergyd newydd i’r adferiad economaidd ym Mhrydain heddiw wrth i ffigyrau swyddogol ddangos fod y dirywiad yn chwarter olaf 2010 yn waeth na’r disgwyl.

Syrthiodd Cynnyrch Domestig Gros Prydain 0.6% rhwng mis Hydref a Rhagfyr, 0.1% yn fwy na’r amcangyfrif gwreiddiol.

Dyna’r cwymp mwyaf ers dwy flynedd, er ail chwarter 2009.

Y tywydd garw ym mis Rhagfyr sy’n cael y bai am y trafferthion economaidd, ac fe dyfodd yr economi yn ystod 2010 yn ei gyfanrwydd.

Serch hynny mae’r ffigyrau yn waeth nag oedd economegwyr wedi ei ddisgwyl ac yn codi amheuon am gynllun Llywodraeth San Steffan i dorri nôl ar wariant cyhoeddus.

Hyd yn oed heb y tywydd garw, mae’n debygol y byddai’r economi wedi crebachu 0.1% yn y pedwerydd chwarter, yn ôl y Swyddfa Ystadegau Gwladol.

Dywedodd llefarydd ar ran y Trysorlys eu bod nhw’n parhau’n hyderus y bydd twf yn y sector breifat yn gwneud yn iawn am y toriadau yn y sector gyhoeddus.

“Mae’r Canghellor wedi dweud fod ffigyrau’r pedwerydd chwarter yn siomedig a dyw’r cyhoeddiad heddiw ddim yn newid hynny,” meddai.

Dywedodd Howard Archer o gwmni economegwyr IHS Global Insight, fod y ffigyrau yn “hynod o siomedig”.

“Mae yna gwestiynau mawr am sut siâp fydd ar yr economi dros y misoedd nesaf wrth i’r toriadau ddechrau brathu go iawn,” meddai.

“Mae yna arwyddion bod cwsmeriaid yn dechrau gwario llai am eu bod nhw’n wynebu pwysau ariannol mawr.”

Mae Banc Lloegr wedi dweud eu bod nhw’n disgwyl i weld sut y bydd yr economi yn gwneud yn chwarter cyntaf 2011 cyn ystyried cynyddu’r gyfradd llog.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones