Nwy Prydain yn cyhoeddi’r ‘elw mwyaf erioed’

 


Llun Anthony Devlin/PA
Mae cwmni ynni Nwy Prydain wedi cyhoeddi eu helw blynyddol mwyaf erioed heddiw, llai na thri mis ar ôl cynyddu prisiau 7%.

Roedd Nwy Prydain, sy’n rhan o gwmni ynni enfawr Centrica, wedi gwneud elw o £742 miliwn yn 2010, yn ôl y ffigyrau. Mae hynny’n gynnydd o 24% ar y flwyddyn flaenorol.

Cododd pris tanwydd cwsmer arferol Nwy Prydain o £1,157 y flwyddyn i £1,239 ar 10 Rhagfyr, a hynny ar ddechrau un o’r cyfnodau oeraf ym Mhrydain ers 100 mlynedd.

Nwy Prydain yw darparwr ynni mwyaf Prydain erbyn hyn. Maen nhw’n darparu ynni ar gyfer 16 miliwn o gwsmeriaid, ac wedi denu 267,000 yn rhagor o gwsmeriaid yn 2010.

Beiodd y cwmni’r cynnydd mewn pris tanwydd ar gynnydd 29% mewn costau, i £2.4 biliwn, y llynedd.

Yn ôl prif weithredwr Centrica, Sam Laidlaw, mae’n bwysig cofio fod pris y tanwydd 0.5% yn is ar ddiwedd 2010 nag yr oedd ar ddechrau’r flwyddyn, wedi i’r cwmni dorri 7% oddi ar eu prisiau ym mis Chwefror 2010.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones